Bank of America dollar dáýiriniń aıaqtalatyndyǵy týraly aıtty
ASTANA. QazAqparat - Erte me, kesh pe álem ekonomıkasynda dollardyń ústemdik etýi aıaqtalady. Bul pikirdi Bank of America Merrill Lynch kompanııasynyń Reseı boıynsha bas mamany Vladımır Osakovskıı bildirdi, dep habarlady LLenta.ru.
«Eger tarıhqa úńilsek, buryn jahandyq valıýta fýnt sterlıng bolǵan. Ony yǵystyryp jiberdi. Dollarmen de bir kúni múmkin osyndaı jaǵdaı bolady», - dep atap ótti sarapshy. Onyń baǵalaýynsha, bul AQSh-tyń álemdik ekonomıkadaǵy úlesi «tabıǵı túrde» qysqarǵan kezde bolady», - dedi Osakovskıı. «Bul apatty jaǵdaıǵa alyp keledi me? Fakti emes. Biraq kúnderdiń-kúninde bul bolady», - dedi Osakovskıı.
Ol sondaı-aq Qurama Shtattardyń qaryzy absolıýtti mánde óte úlken ekendigin atap ótti - 16-18 trıllıon dollar. Bul rette qaryzy odan joǵary elder de bar. «Mysaly Japonııa. Onyń qaryzy AQSh-pen salystyrǵanda, eki esege kóp», - dep pikirin bildirdi ekonomıst Amerıkada qaryz daǵdarysy bolýy yqtımaldyǵyna qatysty pikir bildire kele.
