Bank menedjeri turǵyndardyń atynan nesıe rásimdep, qarjyny qaltaǵa basqan
Qazyǵurt aýdandyq polıtsııa bólimine bir top aýdan turǵyndary aryzdandy. Jábirlenýshilerdiń aıtýynsha, attaryna beıtanys bireý zańsyz nesıe rásimdegen, dep jazady polisia.kz.
Atalǵan faktini polıtseıler «alaıaqtyq» baby boıynsha tirkedi. Qylmysty tez arada ashyp, kúdiktini anyqtaý maqsatynda polıtseılerden arnaıy top qurylyp, jedel izdeýge kirisken. Nátıjesinde, tártip saqshylary kúdiktini qolǵa túsirdi.
Belgili bolǵandaı, 31 jastaǵy kúdikti azamat bank qyzmetkeri bolyp jumys istep júrgen ýaqytynda máselemen aldyna kelgen klıentterdiń qujattaryn paıdalanyp, 70 myń teńge men 1 mıllıon teńge aralyǵynda nesıe rásimdep otyrǵan. Osylaısha 47 adamdy aldap, aqshany óz paıdasyna jumsaǵan. Keltirilgen shyǵyn kólemi 21 mıllıon teńge.
Qazirgi tańda kúdikti er adam qamaýǵa alynyp, sotqa deıingi tergeý amaldary júrgizilip jatyr.