Bank qyzmetkerlerin kepilge alǵan kúdikti esirtkige táýeldiligi boıynsha esepte tur - prokýratýra
«Búgin saǵat 14:00 shamasynda buryn birneshe ret qylmystyq jaýapqa tartylǵan Jambyl oblysynyń týmasy A. Mýradov (1993 jyly týǵan) Dostyq kóshesinde ornalasqan Kaspi bank bólimshesin basyp alǵan. Ol 2013 jyldan beri esirtkige táýeldi adamdar esebinde tur. Oqıǵa ornyna Іshki ister mınıstri, Astana qalasynyń ákimi, Bas prokýrordyń birinshi orynbasary jáne basqa da múddeli qyzmetter bardy. Jaqyn mańaıda ornalasqan barlyq úılerden turǵyndar dereý shyǵaryldy», - delingen prokýratýranyń habarlamasynda.
Málim bolǵandaı, kúdikti tergeý ızolıatoryna qamalǵan. Operatsııa barysynda kepilge alynǵan adamdardyń eshqaısysy zardap shekken joq.
«Bul fakti boıynsha Qylmystyq kodekstiń 261-baby 2-bóliginiń 4 jáne 8-tarmaqtarymen (Adamdy kepilge alý) sotqa deıingi tergep-tekserý bastaldy. Tergeý amaldary júrgizilip jatyr», - delingen vedomstvonyń habarlamasynda.
