Bank kartasyn úshinshi tulǵaǵa bergender jaýapkershilikke tartylady

ASTANA. KAZINFORM — ІІM derbes derekterdi qorǵaýǵa jáne qarjy qyzmeti salasyndaǵy qaýipsizdikti arttyrýǵa baǵyttalǵan Qazaqstan Respýblıkasynyń qylmystyq zańnamasynda mańyzdy ózgerister engizilgenin eskertti. 

Vedomstvonyń habarlaýynsha, qylmystyq kodekstiń jańa 232-1 babynda óziniń banktik derektemelerin úshinshi tulǵalarǵa bergeni úshin, sondaı-aq materıaldyq syıaqy nemese múliktik sıpattaǵy paıda úshin nemese olardy alý maqsatynda úshinshi tulǵanyń múddesi úshin ıa bolmasa paıdany kózdep, tólemder nemese aqsha aýdarymdaryn júzege asyrǵany úshin qylmystyq jaýaptylyq engizildi.

— Alaıaqtar berilgen derekterdi qylmystyq kiristerdi qolma-qol aqshaǵa aınaldyrý nemese basqa azamattardy aldaý úshin paıdalanady. Kóp jaǵdaıda zardap shekkender ózderiniń qylmysqa qatysýshy ekenin túsinbeıdi, — delingen habarlamada.

Quzyorly organ jeke jáne banktik derekter jaı ǵana aqparat emes, bul tutynýshylardyń múlki, qaýipsizdizdik pen zań aldyndaǵy jaýapkershilik ekenin eskertti. 

ІІM kelesi nusqaýlyqtardy usyndy:

eshqashan banktik derekterin úshinshi tulǵaǵa bermeńiz; 

kartańyzdy nemese shotyńyzdy berý arqyly «ońaı aqsha tabýǵa» kelispeńiz;

kúdik týyndaǵan jaǵdaıda bankke nemese quqyq qorǵaý organdaryna habarlasyńyz.

Eske sala keteıik, buǵan deıin jyl basynan beri 11 myńnan astam kıberqylmys tirkelgenin jazǵan edik.