Bank kartany qandaı jaǵdaıda buǵattaıdy

NUR-SULTAN. QazAqparat – Tólem kartasyn buǵattaý talaptary ony shyǵarý týraly shartta kelisiledi. Sondyqtan shartqa qol qoıý aldynda onymen muqııat tanysyp alý qajet, dep habarlaıdy QazAqparat ingramota.kz silteme jasap.

Bank kartany qandaı jaǵdaıda buǵattaıdy, eger:

tólem kartasynyń ıesi banktiń menedjerine onyń joǵalǵany, urlanǵany nemese ruqsatsyz paıdalanylǵany týraly habarlasa;

«plastıkti» ustaýshy tólem kartasyn berý týraly shartty oryndamasa;

taraptar arasyndaǵy shartta kózdelgen, tólem kartasyn paıdalanýdyń ishki qujaty saqtalmasa, tólem kartasyn buǵattaı alady.

2. Tólem kartasyn buǵattaý talaptary ony shyǵarý týraly shartta kelisiledi. Sondyqtan shartqa qol qoıý aldynda onymen muqııat tanysyp alý qajet.

3. Zańnamada «karta shoty» degen bólek uǵym joq. Sondyqtan tólem kartasy ony ustaýshynyń bank shotyna qoljetimdilik quraly. Kartany buǵattaǵan jaǵdaıda klıent shotyn bankke ótinish jasaǵan kezde ashylady.

4. «Tólemder týraly» Zańnyń 27-babyna sáıkes klıenttiń bank shotyna shekteý qoıylýy múmkin.

Shyǵys operatsııalaryn júrgizýge shekteý:

ýákiletti memlekettik organdardyń nemese laýazymdy tulǵalardyń ókimderiniń negizinde (salyqtar tólemeý; tergeý jumystarynyń júrgizilýi; alaıaqtyq operatsııalarǵa kúdiktiń bolýy);

sot aktileriniń jáne sot oryndaýshylarynyń prokýror sanktsııalaǵan qaýlylarynyń negizinde;

QR Qarjymıniniń Qarjy monıtorıngi komıtetiniń terrorızm men ekstremızmdi qarjylandyrýǵa baılanysty uıymdar men tulǵalardyń tizbesine engizilgen uıymdar jáne jeke tulǵalar týraly aqparatynyń negizinde qoıylýy múmkin.