Bank isi akademııasy Malaızııanyń eki ýnıversıtetimen ózara áriptestik týraly memorandýmǵa qol qoıdy
ALMATY. Naýryzdyń 3-i. QazAqparat /Erbol Azanbek/ - Búgin Almatyda Bank isi akademııasy (ABІA) men Malaızııanyń eki ýnıversıteti arasynda áriptestik týraly memorandýmǵa qol qoıyldy,
dep habarlaıdy QazAqparat.
Memorandýmǵa qol qoıǵan qos ýnıversıtettiń biri Tanago Ulttyq ýnıversıteti Malaızııanyń alǵash ashylǵan iri jekemenshik oqý oryndarynyń biri. Al ekinshi oqý orny Kýala-Lýmpýr ýnıversıteti mashına jasaý salasynda jetekshi oqý orny sanalady.
ABІA-nyń prezıdenti Lázıza Aıtbaevanyń aıtýynsha, memorandým Elbasynyń Qazaqstanǵa ıslamdyq qarjy quraldaryn engizý týraly tapsyrmasynyń talaptaryna saı keledi. «Bunymen qatar, bul bizdiń stýdentterimizge blim salasynda úlken múmkindikter beredi», deıdi ABІA-nyń prezıdenti.
«Kez-kelgen memlekettiń damýyna, bolashaǵyna yqpaly zor bilim salasynda ózara áriptestik týraly memorandýmǵa qol qoıý óte mańyzdy. Búgingi memorandým eki jaqqa da paıdasy zor dep oılaımyn. Malaızııa kezinde bilim salasyna úlken kólemde qarjy salǵan bolatyn. Qazirgi kezde álemniń kóptegen elderinen stýdentter bilim alýda. Olardyń qatarynda 200-den astam qazaqstandyq stýdent bar», deıdi Malaızııanyń Qazaqstandaǵy elshisi Dato Saý Chın Hon.
