Bank ǵımaratynan «jarylǵysh zat» tabylmady - Almaty polıtsııasy
ALMATY. QazAqparat - Almatydaǵy «Turǵyn úı qurylys jınaq banki» AQ bas ǵımaratynan «jarylǵysh zat» tabylmady. Bul týraly QazAqparat tilshisine qalalyq ІІD resmı ókili Saltanat Ázirbek aıtty.
«Qazybek bı men Abylaıhan kósheleriniń qıylysyndaǵy banktiń bas ǵımaratynan jarylǵysh zat tabylmady. Qazir bank shtattyq rejimde jumys jasaýda. Al banktiń qaladaǵy 3 fılıalynda jarylǵysh zat áli de izdestirilip jatyr», - dedi Saltanat Ázirbek.
Aıta ketý kerek, tańerteń belgisiz bireý Qazybek bı men Abylaıhan kósheleriniń qıylysyndaǵy ǵımaratta jarylǵysh zat baryn habarlaǵan. Shuǵyl túrde ǵımarattaǵy qyzmetkerler men klıentter syrtqa shyǵarylǵan bolatyn.
