Bank depozıtterinde qazaqstandyqtardyń 21,9 trln teńgesi saqtaýly

NUR-SULTAN. QazAqparat – 2020 jyly bank júıesindegi depozıtter 15,3 paıyzǵa ulǵaıdy. Bul týraly Úkimet otyrysynda QR Ulttyq banki tóraǵasy Erbolat Dosaev aıtty, dep habarlaıdy QazAqparat tilshisi.

«Bank júıesindegi depozıtter 2020 jylǵy qarashanyń sońynda negizinen teńgemen salymdardyń ósýi esebinen jyl basynan beri 15,3 paıyzǵa ulǵaıyp, 21,9 trln teńge boldy», - dedi ol

Erbolat Dosaevtyń dereginshe, ulttyq valıýtamen salymdar 13,3 trln teńgege deıin 23,1 paıyzǵa artty. Ózge valıýtamen salymdar 2020 jylǵy qarashanyń sońynda 8,6 trln teńgeni qurap, 5,1 paıyz ósti.

«Nátıjesinde depozıtterdi dollarlandyrý deńgeıi 2020 jylǵy qarashada 39,3 paıyzǵa deıin tómendedi»,- dedi UB tóraǵasy.