«Bank TsentrKredıttiń» Astanadaǵy fılıalynan 30 myń dollar qoldy boldy
ASTANA. QazAqparat - «Bank TsentrKredıt» qarjy uıymynyń Astanadaǵy fılıalyna ury túsip, tehnıkalyq qyzmetkerlerge arnalǵan kabınettegi seıften sol bankte qyzmet etetin bir adamnyń 30 myń dollary joǵalǵan.
Astana qalalyq Іshki ister departamentiniń baspasóz qyzmeti habarlaǵandaı, banktegi urlyq týraly aqparat tańǵy saǵat 08.47-te belgili bolǵan.
«Elordanyń polıtsııasy banktiń Astanadaǵy bir fılıalynda bolǵan urlyq faktisi týraly sotqa deıingi tergeýdi bastady. Búgin tańǵy saǵat 08.47-de Ortalyq jedel basqarý pýltine belgisiz bireý jeldetkish shahtasy arqyly banktiń jer tóledegi qabatyna kirgeni týraly aqparat tústi. Tehnıkalyq qyzmetkerlerge arnalǵan kabınettegi seıften sol bank qyzmetkeriniń jeke jınaǵan 30 myń dollarǵa jýyq qarajaty urlanǵan», - dep habarlady ІІD baspasóz hatshysy Sofıa Qylyshbekova.
