Bank TsentrKredıt Alfa-Bankty satyp almaq

NUR-SULTAN. QazAqparat – «Bank TsentrKredıt» Qazaqstandaǵy «Alfa-Bank» EB AQ-ny satyp alý týraly kelisimge qol jetkizdi, dep habarlaıdy QazAqparat.

«Bank TsentrKredıt» 100% jaı aktsııalardy satyp alyp, «Alfa-Bank Qazaqstannyń» jańa aktsıoneri bolady. «Alfa-Bank» AQ aktsıonerler quramynan tolyqtaı shyǵyp, dırektorlar keńesinen óz ókilderin qaıtarady», - dep jazylǵan «Alfa-Banktiń» jelidegi paraqshasynda.

Sondaı-aq, habarlamada mámile jasalǵannan keıin bankte rebrendıng júretini aıtylǵan.

«Qabyldanǵan sharalar banktiń AQSh pen birqatar basqa elderdiń sanktsııalar tiziminen shyǵýyna yqpal etedi. Osylaısha, bul jeke jáne zańdy tulǵalarǵa arnalǵan banktik qyzmetterdiń tolyq spektri bar bútindeı qazaqstandyq bank bolady. «Bank TsentrKredıt» depozıtorlar aldyndaǵy barlyq mindettemelerdi oryndaý úshin óz qarajaty esebinen qosymsha ótimdilikpen bankti qoldaýǵa, sol arqyly klıentter úshin qalyptasqan jaǵdaıdy jedel sheshýge daıyn» delinedi.

Eske sala ketsek, taıaýda «Alfa-Bank» pen «Sberbankke» salynǵan sanktsııalar Qazaqstan bankterine áser etpeıtini aıtyldy.