Bangladeshtiń 20 mln turǵyny kúshála eritindisimen ýlandyrylǵan sý iship jatyr
ASTANA. QazAqparat - Human Rights Watch quqyq qorǵaýshy uıymynyń jańa baıandamasyna sáıkes, Bangladeshtiń 20 mln jýyq turǵyny kúshála eritindisimen ýlandyrylǵan sý iship jatyr, dep habarlaıdy Bı-Bı-Sı agenttigi.
Quqyq qorǵaýshylar bul elde las sý problemasy halyqaralyq deńgeıde jıyrma jyl buryn talqylanǵanyn, alaıda sol kezden bastap jaǵdaıdyń ózgermegenin atap ótýde.
«Bangladesh bıligi kedeı aýyldyq aýdandarda mıllıondaǵan adam ishetin sýdy kúshála eritindisinen tazartý úshin sharalar qoldanǵan joq», - delingen uıym málimdemesinde.
Quqyq qorǵaýshylar el bıligin azamattardyń densaýlyǵyn qorǵaý máselesin elemeıtindigine aıyptap otyr, alaıda bılik muny moıyndamaýda.
El úkimetiniń resmı ókili Abdýl Málik Bı-bı-sı agenttigine bergen suhbatynda el bıligi jaǵdaıdyń jaqsarýyna qol jetkizgenin málimdedi: qazirgi kezde lastanǵan sýdy turǵyndardyń 13 paıyzy iship otyr, al 20 jyl buryn másele turǵyndardyń 20 paıyzy týraly bolǵan. El bıligi bul problemany 2020 jylǵa qaraı tolyq sheshýdi ýáde etti.
DDSU-nyń málimetterinshe, quramynda kúshála eritindisi bar sý jyl saıyn Bangladeshte 24 myń adamnyń ólimine sebep bolady. Kóbine eldiń kedeı turatyn aýyldyq aýdandarynyń turǵyndary kóz jumǵan.
