Bangladeshtegi jeıde fabrıkasynda 21 adam mert boldy
ASTANA. Aqpannyń 26-sy. QazAqparat - Beısenbi kúni, aqpannyń 25-inde Bangladeshtiń astanasy Dakkanyń soltústiginde ornalasqan toqyma fabrıkasynda órt boldy,
dep habarlaıdy QazAqparat AFR saıtyna silteme jasap.
Órt keshke jaqyn «Garıb jáne Garıb toqyma fabrıkasy» kásipornynyń ekinshi qabatynda bastaldy. Negizinen áıelderdi quraıtyn ondaǵan qyzmetkerlerdiń syrtqa shyǵar joldary jabylyp qaldy. Órt sóndirýshilerge tilsiz jaýdy birneshe saǵattan keıin aýyzdyqtaýdyń sáti tústi.
Órttiń shyǵý sebepteri áli anyqtalǵan joq.
Bangladeshte 4500-ge jýyq toqyma fabrıkalary jumys isteıdi. Olar memlekettiń eksporttyq kiristeriniń 80 paıyzyn qamtamasyz etedi.
