Bangladeshtegi saılaýda Sheıh Hasına jeńiske jetti
NЬıÝ-DELI. QazAqparat - Keshe Bangladeshte ótken parlament saılaýynyń qorytyndysy boıynsha, bıleýshi «Avamı lıg» partııasynyń basshylyǵyndaǵy «Úlken alıans» koalıtsııasy jeńiske jetti. Bul týraly eldiń Saılaý komıssııasyna silteme jasap, QazAqparat habarlaıdy.
Alıans parlamenttegi 300 orynnyń 288-in ıelengen.
The Daily Star saıtynyń jazýynsha, alıanstyń baqtalasy, basty oppozıtsııalyq kúsh sanalatyn Bangladesh Ulttyq partııasy basshylyq etetin «Birikken ulttyq maıdanǵa» parlamentten nebári 7 oryn buıyrǵan. Osylaısha, eldiń qazirgi premer-mınıstri Sheıh Hasına tórtinshi ret osy laýazymǵa saılanyp otyr.
Eske sala keteıik, keshe Bangladeshte parlamenttiń 11-shaqyrylymyna saılaý ótti. Saılaý júrip jatqan kezde bıleýshi partııanyń jaqtastary men oppozıtsııashyldardyń arasynda búlik shyǵyp, tártipsizdik saldarynan birneshe adam qaza tapqan bolatyn.
