Bangladeshtegi tsıklonnan 13 adam qaza tapty
BANGLADESh. TASS-QazAqparat – Jeksenbi kúni Bangladesh jaǵalaýyn sharpyǵan «Býlbýl» tsıklony kem degende 13 adamnyń ómirin jalmady, dep habarlaıdy QazAqparat TASS agenttigine silteme jasap.
Buǵan deıin agenttik 6 adamnyń mert bolǵyp, 30 adam zardap shekkenin jáne 36 turǵyn iz-túzsiz ketkenin habarlaǵan edi. Bangladesh bıligi jaǵdaıda baqylaýǵa alǵanyn málim etti.
«Jaǵdaıdy turaqtandyrý úshin eki kún ýaqyt kerek», - dep málim etti eldiń tótenshe jaǵdaılar mınıstrliginen.
Úkimettiń bastamasymen jaǵalaýda turatyn 2 mln jýyq adam evakýatsııalanyp, ýaqytsha baspanaǵa jaıǵasty. Tsıklon 6 myńnan astam úıdiń tas-talqanyn shyǵardy. «Býlbýl» tsıklony eldiń búkil jaǵalaýly aımaqtaryn qamtydy, sóıtip batystaǵy Úndistannyń Batys Bengalııa jáne Odısha provıntsııalaryna qaraı bet aldy. Tsıklon ózimen birge nóser jańbyr men ekpini sekýndyna 28-33 metrge deıin kúsheıetin qatty jeldi ala keledi.
Foto: Getty Images
