Bangladeshtegi jer silkinisinen kóz jumǵandar sany 10-ǵa jýyqtady

ASTANA. KAZINFORM — Bangladeshtegi jer silkinisiniń saldarynan 10 adam qaza bolyp, júzdegen adam jaraqat alǵany habarlandy, dep jazdy Sınhýa.

Bangladeshte tarıhtaǵy eń kúshti jer silkinisterdiń biri Dakka qalasyna jaqyn jerde boldy. Juma kúni bolǵan tabıǵı apattan keminde 10 adam qaza taýyp, júzdegen adam jaraqattandy.

Bangladesh meteorologııalyq departamentiniń málimetinshe, jer silkinisi jergilikti ýaqyt boıynsha 10:38-de tirkeldi, al onyń magnıtýdasy 5,7-ge jetti. Epıtsentr Narsıngdı qalasyna jaqyn ornalasqan, Dakkadaǵy Agargaon seısmıkalyq ortalyǵynan 13 shaqyrym shyǵys baǵytta boldy.

Jer silkinisinen keıin bılik tótenshe jaǵdaı rejımin iske qosyp, apat saldaryn joıý jáne qutqarý jumystaryn júrgizý úshin ártúrli nysandarǵa toptar jiberdi.

Budan buryn habarlanǵandaı, Bangladeshtegi jer silkinisinen bir bala qaza boldy. Órt sóndirý jáne qutqarý qyzmeti keıbir adamdardyń ǵımarattardan kirpish pen tsement kesekteriniń qulaýynan jaraqat alǵanyn habarlady.