Bangladeshtegi jappaı sherý: eki kúnde 231 adamnyń ómiri qıyldy

DAKKA. KAZINFORM – Dhaka Tribune gazetiniń habarlaýynsha, Bangladeshte keshe premer-mınıstr Sheıh Hasına úkimet basynan ketip, armııa «ýaqytsha úkimet qurylatynyn» jarııalaǵanyna qaramastan tártipsizdikter jalǵasýda, dep jazady Anadoly.

Narazylyqtar kezinde 135 adam zorlyq-zombylyqtyń qurbany bolǵan.

Eń aýyr oqıǵalar oryn alǵan el astanasy Dakkada keshe polıtsııanyń atystary, toptyq qaqtyǵystar men tonaý saldarynan 78 adam qaza taýyp, júzdegen adam jaralandy.

Bangladeshtiń barlyq derlik shtattaryna taraǵan tártipsizdikter kezinde kóptegen resmı ǵımarattar órtendi. Sherpýr qalasyndaǵy sherýshiler basyp alǵan túrmeden 500-den astam tutqyn qashyp ketti.

Bangladeshte el bıligi memlekettik jumys oryndaryna kvotalardyń kópshiligin joıǵannan keıin jappaı sherýler bastaldy.

Aıta keteıik, 300 adamnyń ómirin qıǵan mıtıngterden keıin Bangladesh premer-mınıstri otstavkaǵa ketken edi.

Jappaı ereýil kezinde elden qashyp ketken Bangladeshtiń Premer-mınıstri Sheıh Hasına Ulybrıtanııadan saıası baspana surady.