Bangladeshtegi narazylyq kezinde bir kúnde 90 adam qaza tapty

ASTANA. KAZINFORM—Bangladeshte jeksenbi kúni polıtsııa men premer-mınıstr sheıh Hasınanyń otstavkaǵa ketýin talap etken sherýshiler arasynda qaqtyǵys bolyp, kem degende 90 adam qaza tapty, dep jazady BBC.

Qaza tapqandar arasynda 13 polıtsııa qyzmetkeri bar. Olar el astanasy Dakkadan soltústikke qaraı 100 shaqyrym jerde ornalasqan Sıradjgandj qalasyndaǵy polıtsııa bólimshesine jasalǵan shabýylda qaza tapty.

Memlekettik qyzmettegi jumys oryndaryna kvota júıesin joıýdy talap etken stýdentterdiń narazylyǵy shilde aıynda bastalǵan. Osy ýaqyt ishinde 280-nen astam adam qaıtys boldy.

Dakkada polıtsııa narazylyq bildirýshilerdi taratý úshin kózden jas aǵyzatyn gaz ben rezeńke oqtardy qoldandy, al premer-mınıstr eldegi mobıldi ınternetti óshirýdi buıyrdy.

BUU-nyń Adam quqyqtary jónindegi Joǵarǵy komıssary Folker Tıýrk Bangladesh bıligin zorlyq-zombylyqty toqtatýǵa shaqyrdy.

Ol sondaı-aq dúısenbide Dakkada josparlanǵan jappaı sherýge alańdaýshylyq bildirip, odan ári shıelenisý qaýpi týraly eskertti.