Bangladeshte jolaýshylar avtobýsy ózenge qulap, 18 adam kóz jumdy
ASTANA. KAZINFORM – Qaıǵyly oqıǵa paromǵa miný kezinde boldy. Júrgizýshi kólikti basqara almaı, avtobýs pontonnan sýǵa qulady, dep habarlaıdy TASS aqparat agenttigi.
Bangladesh ortalyǵyndaǵy Padma ózenine jolaýshylar avtobýsy qulap, saldarynan kem degende 18 adam qaza tapty, dep habarlaıdy TASS The Daily Star basylymyna silteme jasap habarlady.
Jergilikti BAQ habarlaýynsha, jolaýshylar mingen avtobýs qalqymaly kópirde paromǵa minýdi kútip turǵan kezde ózenge qulap ketken. Onda shamamen 40 adam bolǵan. On bir jolaýshy jaǵaǵa óz betinshe jetken.
Qutqarýshylar avtobýsty ózen túbinen apattan alty saǵattan keıin kóterdi. 18 adamnyń denesi anyqtaldy. Birneshe jolaýshy iz-túzsiz joǵaldy.
Osyǵan deıin Astana – Almaty tas jolynda jolaýshylar avtobýsynyń qatysýymen iri jol-kólik oqıǵasy tirkelgenin jazdyq. Saldarynan bir adam qaza taýyp, taǵy úsheýi aýrýhanaǵa jetkizildi.
Al Astanada jolaýshylar avtobýsy aıaldamaǵa soǵyldy.
