Bangladeshte jergilikti ýnıversıtettiń professoryn kóshede baýyzdap ketti
ASTANA. QazAqparat - Bangladeshte ýnıversıtet professoryn jumysqa bara jatqan jolda baýyzdap ketken. Sońǵy aılarda Bangladeshte birneshe ataqty blogerler, ateıster men memleket qurylymynyń zaıyrly úlgisiniń jaqtastary óltirildi.
58 jastaǵy aǵylshyndyq oqytýshy Rezaýl Karım Sıddık óz úıiniń janyndaǵy aıaldamada avtobýs kútip turǵan kezde oǵan belgisiz bireýler shabýyldap, pyshaqpen baýyzdap ketken.
Polıtsııa Frans presske onyń moıny úsh jerden kesilgenin málimdedi.
Ony óltirgen Bangladeshtegi qoǵam ókilderine shabýyldaıtyn ıslamshylar bolýy múmkin. Birinshi kezekte, olar ateıstik kózqarasty jarııa qýattaǵandarǵa shabýyl jasaǵan. Olardy da dál osylaı baýyzdap óltirgen.
Sıddık birqatar mádenı sharalarǵa qatysqan jáne buryn ıslamshylar mekendegen Bagmara qalasynda mýzykalyq mektep uıymdastyrǵan, ol óleń áńgimeler jazǵan. Jergilikti jýrnaldyń redaktory bolǵan. Áriptesteriniń aıtýynsha, ol dinı taqyrypta málimdeme jasamaǵan.
