Bangladeshte jer silkindi: qaza tapqandar bar

ASTANA.KAZINFORM - Bangladeshte 5,7 baldyq jer silkinisi bolyp, kem degende bes adam, onyń ishinde bir bala qaza tapty. 100-ge jýyq adam jaraqat aldy.

Reuters agenttiginiń habarlaýynsha, eldiń kóp bóliginde, sonyń ishinde halqy tyǵyz ornalasqan el astanasy Dakkada kóp ǵımarat qıraǵan.

Jer silkinisi Bangladeshpen shekaralas kórshiles Úndistannyń shyǵys shtattarynda da sezildi, biraq jergilikti bılik aıtarlyqtaı zalal týraly habarlamady.

Bangladeshtiń ýaqytsha premer-mınıstri Mýhammad ıÝnýs jaraqat alǵandardyń arasynda Dakka ýnıversıtetiniń stýdentteri, Gazıpýr qalasyndaǵy zaýyt jumysshylary jáne jer silkinisiniń oshaǵy Narsıngdı turǵyndary bar ekenin aıtty. Onyń málimdemesinde bes adamnyń qaza tabýynyń mán-jaıy naqtylanbaǵan.

Polıtsııa buǵan deıin jer silkinisi kezinde alty qabatty ǵımarattyń qorshaýy qulaǵannan keıin úsh adam qaza tapqanyn habarlaǵan bolatyn.

Densaýlyq saqtaý jónindegi keńesshi Nýrdjahan Begýmnyń aıtýynsha, Dakkadan shyǵysqa qaraı shamamen 40 shaqyrym jerde ornalasqan Narsıngdıden aýrýhanalarǵa jetkizilgen birneshe jaraqat alǵan adamnyń jaǵdaıy aýyr.

Kýágerler Reuters agenttigine Dakka turǵyndary ǵımarattar dirildeı bastaǵanda jáne keıbir ýaqytsha qurylymdar qulaǵan kezde úılerinen qashyp ketkenin aıtty.

Órt sóndirý jáne qutqarý qyzmeti keıbir adamdardyń ǵımarattardan kirpish pen tsement kesekteriniń qulaýynan jaraqat alǵanyn habarlady.

ıÝnýs keńsesiniń málimdemesinde úkimet jaǵdaıdy muqııat baqylap otyrǵany jáne tıisti mekemelerge zardap shekken aýdandarda qutqarý jumystaryn kúsheıtýdi tapsyrǵany atalyp ótti.

Osy aptanyń basynda Vetnamdaǵy nóser jańbyr men sý tasqyny 41 adamnyń ómirin qıdy, taǵy toǵyzy iz-túzsiz joǵalyp ketti.