Bangladeshte jarylys saldarynan alty adam qaıtys boldy
ASTANA. QazAqparat - Bangladeshtiń soltústik-shyǵysyndaǵy jarylys alty adamnyń ómirin qıdy. 50 adam jaraqat aldy. Shabýylǵa jaýapkershilikti «IM» toby óz moınyna aldy.
Frans press agenttigine qala polıtsııasy basshysynyń orynbasary Sılhet Basýdeb Banık habarlaǵandaı, qaza tapqandardyń ishinde eki polıtseı bar. Onyń aıtýynsha, jergilikti turǵyndar men quqyq qorǵaý qyzmetkerleri jaraqat alǵan. Birneshe adamnyń jaǵdaıy aýyr.
Qyzmetkerler táýlik buryn qaladaǵy ekstremıster tobyn qorshap alǵan. Sodyrlar 70 turǵyny bar bes qabatty ǵımaratta bekinis ornatty.
Polıtsııa olardyń berilýin ótingen, olar bas tartty. Bronetransporterlardy qoldaý jasaı otyryp, arnaıy ásker shabýyl bastady.
Jaýapkershilikti Islam memleketi toby moınyna aldy. Al Bangladesh bıligi elde IM sodyrlary bar degendi teriske shyǵardy. Olar bul "Djamaat-ýl- Mýdjaheddın Bangladesh" jergilikti ıslam tobynyń áreketi dep naqtylaýda.
Ótken aptada burynǵy jankeshtiler el astanasy Dakkı halyqaralyq áýejaıyna qoıylǵan qaýipsizdik kúshteriniń posty janynda eki ret jarylǵysh zatty iske qosqan.
Sonymen, 24 naýryzda jankeshti polıtseı postynyń janynda ózin jaryp jiberdi. Eshkim zardap shekken joq. 17 naýryzda jankeshti Ashkonda jedel den qoıý batalony lagerinde jarylǵysh zatty iske qosqan. Onda eki ofıtser jaraqat alǵan.
