Bangladeshte Úndistan prezıdentine qastandyq jasaldy
ASTANA. 4 naýryz. QazAqparat - Bangladeshte Úndistan prezıdenti Pranaba Mýkerdjıge qastandyq jasaldy. Mýkerdjı bul memleketke resmı saparmen kelgen edi, dep habarlady sheteldik BAQ.
Jýrnalısterdiń málimetteri boıynsha, jarylys memleket basshysy toqtaǵan qonaqúıdiń aldynda oryn aldy. Qolda bar málimetterge qaraǵanda, eshkim zardap shekken joq. Jarylys bolǵan kezde prezıdenttiń qonaqúıde bolǵany, ne bolmaǵany jaıly aqparat joq.
Mýkerdjı Dakkaǵa Bangladesh úshin qıyn kezeńde keldi. Osy kúnderi elde "Islam djamaaty" radıkaldy toby uıymdastyrǵan ereýil bastaldy. Olar atalmysh uıymnyń kóshbasshysy Hýseın Saıdtiń ólim jazasyna kesilgenine qarsylyq kórsetý retinde bul qadamǵa bardy. Aıta keteıik, ólim jazasyna kesilgen Hýseın Saıd 1971 jyly táýelsizdik úshin soǵys kezinde jappaı adam óltirý jáne zorlaýda kináli dep tanylǵan bolatyn, dep habarlady Ýtro.rý.
