Bangladeshte turǵyn úı órtenip, 70-ke jýyq adam qaza tapty
ASTANA. QazAqparat - Bangladesh astanasy Dakka qalasynda bolǵan alapat órtten jetpiske jýyq adam qaza tapty. Qurbandar sany budan da kóp bolýy múmkin, dep habarlaıdy «QazAqparat» HAA VVS-ge silteme jasap.
Keshe keshkisin qalanyń tarıhı ortalyǵyndaǵy kóp qabatty úıden órt shyqqan. Apat saldarynan 69 adam qaza tapqan, biraq qurbandar sany saǵat saıyn artyp barady. Bangladesh órt sóndirý qyzmetiniń basshysy Álı Ahmedtiń aıtýynsha, tilsiz jaýǵa turmystyq gaz ballonynyń jarylýy sebep bolýy múmkin.
Dakkanyń turǵyndary óte tyǵyz turady. Kóp ǵasyrlyq tarıhy bar Chavkbazar aýdanynyń kósheleri tar, al ǵımarattar bir-birine jaqyn ornalasqan. Sondyqtan órt shyqqan kezde birden keptelis bolyp, kórshiles ǵımarattardy da jalyn sharpyǵan.
Qazir órt aýyzdyqtalyp, jaǵdaı baqylaýǵa alyndy.
