Bangladeshte poıyzdardyń soqtyǵysýynan 12 adam qaza tapty
DAKKA. QazAqparat – Búgin tańerteń Bangladeshte poıyzdardyń betpe-bet soqtyǵysýynan kem degende 12 adam qaza taýyp, 28-i jaraqat aldy, dep habarlaıdy QazAqparat The Daily Star-ǵa silteme jasap.
Oqıǵa jergilikti ýaqytpen tańǵy saǵat 3:00 shamasynda el astanasy Dakkadan 109 shaqyrym qashyqtyqta — Mondobhag temirjol stansasynda bolǵan.
Poıyzdardyń biri stantsııada qozǵalys baǵytyn ózgertken kezde bolǵan apattan kem degende 12 jolaýshy qaza tapty.
Poıyzdyń eki vagony soqtyǵys saldarynan qatty zaqymdalǵan.
Qazirgi ýaqytta vagondardan segiz máıit tabyldy. Qutqarý operatsııasy jalǵasyp jatyr. Qaza tapqandar sany kóbeıýi múmkin, sebebi kóptegen adam myjylyp qalǵan vagonnyń ishinde jatyr. Mert bolǵandardyń jeke basyn birden anyqtaý múmkin bolmaǵan.
Apattan keıin osy ýchaskedegi temirjol baǵyty toqtatyldy.
Avtor:
Tatıana Kýdrenok
