Bangladeshte polıtsııa ýchaskesin jaryp jiberdi
NUR-SULTAN. QazAqparat – Bangladesh astanasy Dakka qalasyndaǵy polıtsııa ýchaskesiniń aýmaǵynda bolǵan jarylys saldarynan kem degende bes adam jaraqat aldy. Bul týraly QazAqparat Dhaka Tribune gazetine silteme jasap habarlaıdy.
Basylymdaǵy jazýynsha, seısenbi kúni túnde quqyq qorǵaýshylar ózderimen jarylǵysh zat alyp júrgen úsh lańkesti ustaǵan. Oqıǵa ony zalalsyzdandyrý áreketin jasaǵanda oryn alǵan.
Zardap shekken bes adamnyń tórteýi – polıtsııa qyzmetkerleri. Olardyń barlyǵy aýrýhanaǵa jetkizildi.
