Bangladeshte paromda bolǵan órt 38 adamnyń ómirin qıyp ketti

DAKKA. QazAqparat – Bangladeshtegi Sýganda ózenindegi paromda bolǵan órt saldarynan kem degende 38 adam qaza tapty, dep habarlaıdy QazAqparat Reuters agenttigine silteme jasap.

«Qazirgi kezde biz 38 adamnyń denesin anyqtadyq», - dedi Bangladesh ońtústigindegi keleńsiz jaǵdaı oryn alǵan Djalokatı aımaǵy órt sóndirý qyzmetiniń aǵa qyzmetkeri Kalam Hoseın Bhýııan. Órt jergilikti ýaqytpen shamamen túngi saǵat 3-te bolǵandyǵy habarlanyp otyr.

Jalyn Djalokatı arqyly Dakkadan Bargýnaǵa baǵyt alǵan paromnyń mashına bóliminen shyqqan.

Djalokatı aýdanynyń ákimshisi Zohor Álıdiń aıtýynsha, qaza bolǵandar sany áldeqaıda kóp bolýy múmkin, sebebi aýrýhanaǵa 50-den astam adam túsken. Keıbir jolaýshylar iz-tússiz joǵalǵan dep eseptelýde, al keıbireýleriniń jaǵdaıy óte aýyr.

Órttiń shyǵý sebebi anyqtalatyn bolady.