Bangladeshte parom men júk kemesi soqtyǵysyp, 11 adam opat boldy
DAKKA. QazAqparat – Sársenbi kúni Bangladesh astanasy Dakkadan 160 shaqyrym qashyqtyqta ózende parom qum tıelgen júk kemesimen soqtyǵysyp aýdarylǵan, dep habarlaıdy QazAqparat Reuters agenttigine silteme jasap.
Agenttik habarlaýynsha, apat saldarynan kem degende 11 adam opat bolǵan, kópshiligi habar-osharsyz joǵaldy.
Derekkózder habarlaǵandaı, qaza tapqandardyń arasynda bes bala men úsh áıel bar. Habarlamada paromnyń bortynda 40-qa jýyq jolaýshy bolǵany atap ótilgen.
Oqıǵa ornynda izdestirý-qutqarý jumystary júrip jatyr.
