Bangladeshte Nobel syılyǵynyń laýreaty qamaýǵa alyndy
NUR-SULTAN. QazAqparat – Dakka qalasynyń eńbek daýlary jónindegi soty beıbitshilik salasyndaǵy Nobel syılyǵynyń ıegeri, ekonomıst Muhammed ıÝnýsty qamaqqa alýǵa order berdi, dep habarlaıdy QazAqparat Geo.tv telearnasyna silteme jasap.
79 jastaǵy ıÝnýsqa ózi basqaratyn Grameen Communication kompanııasynyń úsh qyzmetkerin zańsyz túrde jumystan shyǵardy degen aıyp taǵylǵan. Bıyl jazda olar kompanııa basshysymen qosa taǵy eki adamdy zańsyz áreketterge bardy dep aıyptaǵan.
Olar 8 qazan kúni sotqa kelýi tıis edi. Biraq sottyń shaqyrýyna jaýap bolmaǵan soń, ıÝnýs qamaqqa alynǵan.
2006 jyly ıÝnýs jáne ol basqaratyn Grameen bankine Nobel syılyǵy berilgen edi. Bank kedeılerge bergen kepilsiz nesıe olardyń kásip ashyp, ál-aýqatyn jaqsartýyna septigin tıgizgen. ıÝnýs basqarǵan banktiń osy ıgi amaly beıbitshilik salasyndaǵy Nobel syılyǵyna laıyq dep tanylǵan.
