Bangladeshte naızaǵaı soǵyp, 18 adam qaza tapty
ASTANA. QazAqparat - Bangladeshte ótken aptada jaı túsip, keminde 18 adam qaza taýyp, 15 adamdy kúıik shaldy.
Bul týraly apat saldaryn joıý departamentiniń dırektory Halıd Mahmýd málimdep, halyqty abaı bolýǵa shaqyrdy, dep habarlady TASS.
«Tek ótken táýlikte Bangladeshtiń biraz aýdandarynda kúshti naızaǵaı jarqyraýy saldarynan jaı oty túsip, kemi 18 adam kóz jumsa, 15 myńnan astam adam zardap shekti. Olardyń basym bóligi bul ýaqytta dalada júrgen», - degen onyń sózin keltiredi ulttyq bdnews24.com. telearnasy.
Naızaǵaı ásirese egistik alańdary men balyqshylar jumys isteıtin oryndarǵa túsken. Táýlik ishinde qaza bolǵandar arasynda segiz balyqshy, alty fermer bar.
