Bangladeshte lańkestik aktisine baılanysty eki kúndik aza tutý jarııalandy
ASTANA. QazAqparat - Bangladesh premer-mınıstri Sheıh Hasına Dakkadaǵy lańkestik aktisine baılanysty eki kúndik aza tutý jarııalady.
Hasına ultqa arnaıy úndeý joldady, ol úndistandyq BAQ boıynsha berildi, dep habarlady RIA Novostı.
Aza tutý 3 jáne 4 shildede ótedi, elde týlar tómen túsirilip, meshitterde, úndilik hramdarda jáne hrıstıan shirkeýlerinde aza tutý rásimderi ótedi.
Hasına otandastaryn lańkestikke qarsy turýda birlikke shaqyrdy.
Juma kúni keshte qarýlanǵan lańkester Dakkanyń dıplomatııalyq oramyndaǵy meıramhanaǵa shabýyl jasady. Senbi kúni tańerteń polıtsııa shabýylmen alty sodyrdyń kózin joıdy. Operatsııa barysynda polıtseıler 13 adamdy bosatyp aldy, sonyń ishinde Japonııanyń bir, Shrı-Lankanyń eki azamaty bolǵan, kepilge alynǵan 20 adam qazaǵa ushyrady.
