Bangladeshte lagerdegi órtten 45 myń bosqyn panasyz qaldy

BANGLADESh. QazAqparat - Bangladeshtiń Koks-Bazar qalasynda bosqyndar lagerinde bolǵan iri órt saldarynan qonys aýdaryp kelgen 45 myń rohındjalyq baspanasyz qaldy. Tilsiz jaý lager aýmaǵyndaǵy eń iri klınıkany joıdy. QazAqparat bul týraly BUU Jańalyqtary ortalyǵyna silteme jasap habarlaıdy.

Qaza bolǵandardyń naqty sany ázirge belgisiz. Aldyn ala málimet boıynsha, órt 15 adamnyń ómirin qıdy, 400 adamnyń jaǵdaıy týraly áli belgisiz. Lagerdiń 560 turǵyny jaraqat aldy.

Koks-Bazarǵa zardap shekkenderge kómek kórsetý úshin birneshe jedel járjem kóligi jáne mobıldi klınıkalar jiberildi. Bosqyndarmen sondaı-aq psıhologtar jumys isteýde.

Gýmanıtarlyq uıymdardyń qyzmetkerleri baspanasyz qalǵandarǵa kómek kórsetýde.

Osy ýaqytqa deıin lagerge 3 myń jyly kórpe, kún batareıasymen jumys isteıtin 14,5 myń lampa, 11,5 myń moskıtti tor, sondaı-aq 1 myń lıtr aýyzsý jetkizildi.

Jalynnyń shyǵý sebebi áli belgisiz, tergeý jalǵasýda.

Koks-Bazar qalasyndaǵy lager - bosqyndardyń álemdegi eń úlken qonysy. Onda rohındja musylmandarynyń 870 myń ókili pana tapty. Olardyń deni – 720 myńǵa jýyq adam kórshi Mıanme elindegi zorlyq-zombylyqtan qashyp, lagerge 2017 jyly keldi.