Bangladeshte kópqabatty úıdegi órtten 43 adam qaza tapty
DAKKA. KAZINFORM – Bangladesh astanasy Dakkada kópqabatty úıdegi órtten kem degende 43 adam qaza tapty. Bul týraly VVS habarlady.
Jergilikti BAQ-tyń habarlaýynsha, jeti qabatty meıramhanada jergilikti ýaqyt boıynsha keshki saǵat 22.00 shamasynda bastalǵan órt tez arada búkil ǵımaratqa taralǵan. Oqıǵa kezinde ondaǵan adam órt ishinde qalǵan.
Kóp ótpeı órt sóndirýshiler tilsiz jaýdy aýyzdyqtaǵan. Biraq ázirge órttiń shyǵý sebebi anyqtalǵan joq.
Bangladeshtiń densaýlyq saqtaý mınıstri Samanta Lal Senniń aıtýynsha, qaza tapqan 43 adamnyń arasynda áıelder men balalar bar, taǵy ondaǵan adamdy kúıik shalǵan.
«Biz altynshy qabatqa jetken kezde kóterilgen tútindi kórdik. Kóp adam baspaldaqpen joǵary kóterildi, biraq biz, kerisinshe, sý aǵatyn qubyrmen tómen tústik. Keıbireýler joǵarǵy qabattardan sekirip jaraqat aldy», - dedi órtten qashyp úlgergen Sohel esimdi meıramhana menedjeri jýrnalısterge bergen suhbatynda.
