Bangladeshte qyzylsha epıdemııasy: sońǵy táýlikte 17 adam kóz jumdy
ASTANA. KAZINFORM — Bangladeshte bir táýlikte qyzylsha jáne osy aýrýǵa uqsas sımptomdardan 17 adam qaza tapty, bul rekordtyq kórsetkish bolyp otyr. Bul týraly The Daily Star gazeti eldiń Densaýlyq saqtaý mınıstrliginiń Medıtsınalyq qyzmetter jónindegi Bas basqarmasyna silteme jasap habarlady, dep BELTA jazdy.
Esterińizge sala keteıik, buǵan deıin bir kúnde tirkelgen eń kóp jaǵdaı sany – 12 adam bolǵan. 15 naýryzdan bastap qyzylsha jáne oǵan uqsas sımptomdardan qaıtys bolǵandardyń jalpy sany 311-ge jetti.
Sońǵy jaǵdaılardyń ekeýi qyzylshadan tikeleı qaıtys bolǵany rastaldy, osylaısha rastalǵan ólim sany 52-ge jetti. Taǵy 15 jaǵdaı boljamdy sanalyp, olardyń jalpy sany 259 adamǵa jetti.
Jaǵdaı áli de kúrdeli bolyp otyr, bılik aýrýdyń taralýyn qadaǵalaýdy jalǵastyrady.
Eske sala keteıik, sáýirdiń basynda Bangladeshte qyzylshadan 15 adam qaıtys bolǵan edi.
