Bangladeshte qaıyq apatqa ushyrap, 17 adam opat boldy
NUR-SULTAN. QazAqparat – Bangladeshtiń soltústik-shyǵysynda Netrokon okrýginde motorly jolaýshylar qaıyǵy apatqa ushyrap, 17 adam qaza tapty. Bul týraly sársenbi kúni Bangladesh news – 24 portaly habarlady.
Onyń málimetinshe, bortta 48 adam bolǵan. 30 jolaýshy aman qalǵan, taǵy biri iz-túzsiz joǵalyp ketken.
Oqıǵa ornyna qutqarýshylar keldi. Keleńsiz jaǵdaıdyń sebep- saldary anyqtalyp jatyr.
Foto: TASS
