Bangladeshte qaıtadan lokdaýn jarııalandy
Elde koronavırýstyń úndi shtamy kóp taralýda.
Bılik barlyq memlekettik jáne jekemeshik keńselerdi japty. Úıden tek shuǵyl sharýamen ǵana shyǵýǵa bolady.
Densaýlyq saqtaý departamentiniń málimdeýinshe, qaýipsizdikti saqtaýdy qamtamasyz etý úshin polıtsııa men shekara qyzmetkerleri tartylady, eger qajet bolǵan jaǵdaıda áskerıler de osyǵan jumyldyrylýy yqtımal.
Bul kezekti lokdaýn. Buǵan deıin de mamyr aıynyń ortasynda 170 mıllıon adam turatyn Bangladeshte koronavırýs juqtyrǵandar sany kúrt artqan edi.
Ótken juma kúni 6 myńǵa jýyq adamda ınfektsııa anyqtaldy, ol test arqyly rastaldy. Sol kúni COVID-19 ınfektsııasynan 108 patsıent óldi.
Qazir Úndistan shekarasyna jaqyn mańdaǵy óńirlerde jaǵdaı óte aýyr. Onda barlyq aýrýhanada oryn qalmaǵan.
Úndistanda mamyr aıynyń basymen salystyrǵanda qazir koronavırýs juqtyrý deńgeıi tómendedi. Ol kezde kún saıyn 400 myńdaı adamnan vırýs anyqtalyp otyrdy. Alaıda bılik batystaǵy Maharashtra shtatynda shekteýdi Delta plus vırýstyń jańa túrinen tóngen qaýipke baılanysty ǵana kúsheıtken bolatyn.
