Bangladeshte fabrıkanyń opyrylyp qulaýy saldarynan qaza tapqandar sany 175 adamǵa jetti
ASTANA. 25 sáýir. QazAqparat - Bangladeshtiń astanasy Dakkıden 30 shaqyrym qashyqtyqta ornalasqan Savar qalasyndaǵy 8 qabatty fabrıka ǵımaratynyń opyrylyp qulaýy saldarynan qaza tapqandardyń sany 175 adamǵa jetip otyr.
Bul týraly Reıter agenttigi málimdeıdi.
Qolda bar derekke qaraǵanda, mert bolǵandardyń deni - áıelder. Respýblıka bıligi ókilderiniń málimetine súıensek, apattan 1 myńnan astam adam zardap shekken.
«Jumysshylardyń kóbi áli de úıindiniń astynda qalǵandyqtan, ajal qushqandardyń sany anaǵurlym artýy yqtımal», - deıdi aımaqtyq polıtsııanyń jetekshisi Habıbýr Rahman. Bılik basyndaǵylardyń aıtýlarynsha, ǵımaratta sársenbi kúni 3 myńnan astam adam bolǵan.
Qazirgi tańda qutqarýshylar úıindiniń astynda qalǵan adamdardy arshyp alý jumystaryn júrgizip jatyr. Oqıǵa ornynda kómekke shaqyrǵandardyń daýsy tolastamaı tur.
Buǵan deıin qaladaǵy polıtsııa ókili habarlaǵandaı, nysannyń apattyq jaǵdaıda ekeninen onyń qojaıyndary qulaǵdar bolǵan. Alaıda eshqandaı shara qoldanbaǵan.
