Bangladeshte fabrıkalyq keshenniń opyrylyp qulaýynan qaza bolǵandar sany 700-ge jetti
ASTANA. 8 mamyr. QazAqparat - Sońǵy málimetter boıynsha, Bangladeshte Rana Plaza fabrıkalyq kesheniniń opyrylyp qulaýy saldarynan qaza bolǵan adamdardyń sany 700-den asty.
Bul týraly VVS habarlady.
Eki apta buryn qulaǵan segiz qabatty ǵımarattyń qırandylary astynan adamdardyń denelerin shyǵarý jalǵasýda.
Tórt toqyma fabrıkasy jumys istegen ǵımarattyń qulaýy Bangladeshte jumysshylardyń jappaı narazylyǵyn týdyrdy.
Toqyma fabrıkalarynyń jumysshylary bir aptadan astam ýaqyt boıy jumys berýshilerdiń zaýyttarda qaýipsizdik erejelerin saqtamaýyna qarsy narazylyq bildirdi. Halyq el premer-mınıstri olardy ózderiniń jumystaryna oralýyn ótingen soń ǵana basyldy.
Keshenniń qulaýyna baılanysty toǵyz adam qamaýǵa alyndy.
