Bangladeshte eki basty bala dúnıege keldi (FOTO)
ASTANA. QazAqparat - Bangladeshte eki basty bala dúnıege keldi. Bul sıam egizderiniń denesi men ishki aǵzalary bir. Olardy bólý teorııalyq turǵydan da múmkin emes. Eki basty bala anasynyń ishinde jatqanda, bir denege birikken. Olardyń qoldary, aıaqtary, ishki aǵzalary ortaq, dep habarlady medikforum.ru.
Olardyń tynys alýy qıyn. Náreste Dakka qalasynyń «Standard Hospital of Total Healthcare» aýrýhanasynda qarqyndy terapııa bóliminde jatyr. «Onyń tolyq qalyptasqan eki basy bar. Ol eki aýyzdan tamaqtanyp, eki murynmen tynys alady. Qalaı bolǵanda da, jaratqanǵa balalarym men onyń anasynyń amandyǵy úshin alǵysym sheksiz», - dedi jýrnalısterge alańdaǵanyn jasyra almaǵan ákesi. «Test sıam egizderiniń ishki aǵzalary ortaq ekenin kórsetti. Olardyń tek basy ǵana ekeý. Barlyǵyn eskere kele, óte sırek kezdesetin dicephalic parapagus jaǵdaıy baqylanýda. Mundaı fenomen jańa týylǵan júz myń balanyń birinde ǵana kezdesedi, - dep habarlady «Journal of Family and Reproductive Health» basylymy. Alaıda mundaı nárestelerdiń 60 paıyzy óli týyp nemese týǵannan keıin kóz jumady.
