Bangladeshte bosqyndar lagerinen órt shyǵyp, 12 myń adam baspanasyz qaldy
ASTANA. QazAqparat – Bangladesh bıligi rohındja bosqyndar lagerindegi aýqymdy órt sebebin tekserip jatyr. Onyń saldarynan 12 000 adam baspanasyz qaldy, dep habarlaıdy QazAqparat BBC-ge silteme jasap.
Resmı málimet boıynsha, órt asúıdegi gaz ballonynyń jarylýynan 2000 ǵımaratty sharpyǵan. Zardap shekkender týraly habar joq.
Polıtsııa órt qasaqana qoıyldy ma, sony tekserip jatyr. Bir er adam ustaldy, dep habarlady jergilikti BAQ.
Eldiń ońtústik-shyǵysyndaǵy lager álemdegi eń iri bosqyndar lageri sanalady. Ondaǵy turǵyndardyń basym bóligi munda Mıanmadan qashyp kelgen.
Dúısenbi júzdegen adam Koks-Bazar dep atalatyn aýdanǵa oraldy.
Órt jeksenbi kúni jergilikti ýaqytpen 14:45-te bastalyp, tez taraǵan. Tilsiz jaý úsh saǵattan keıin aýyzdyqtalǵan. Kem degende 35 meshit pen 21 oqý ortalyǵy tas-talqan boldy.
Ótken aıda jarııalanǵan Bangladesh qorǵanys mınıstrliginiń esebine sáıkes, 2021 jyldyń qańtarynan 2022 jyldyń jeltoqsanyna deıin rohındja lagerlerinde 222 órt boldy, onyń ishinde 60 órt qasaqana jasalǵan.
Bosqyndar lagerinde Mıanmadaǵy rohındja etnıkasyna qarsy áskerı repressııadan qashqan adamdar turady.
