Bangladeshte bortynda 50 jolaýshysy bar parom sýǵa batyp ketti
NUR-SULTAN. QazAqparat – Jeksenbide Bangladeshte bortynda 50 jolaýshysy bar kishigirim parom basqa kememen soqtyǵysýy saldarynan sýǵa batyp ketti. Kem degende bes adam qaza tapqan, dep habarlaıdy QazAqparat Agence France-Presse-ke silteme jasap.
Agenttik málimetinshe, 11 adam qutqaryldy.
«Joǵalǵandardyń naqty sanyn bilmeımiz», - deıdi jergilikti bılik ókili. Qutqarýshylar aman qalǵandardy izdestirýde, degenmen aýa raıy qolaısyzdyǵynan bul qıynǵa soǵyp otyr.
