Bangladeshte avtobýs kópirden qulap, toǵyz adam qaza tapty
ASTANA. QazAqparat - Bangladeshtiń ortalyq bólginde kópirden avtobýs qulap, saldarynan toǵyz adam qaza tapty, 30-dan astamy jaraqat aldy, dep habarlaıdy reseılik RIA Novostı.
Jergilikti Dhaka Tribune basylymynyń jazýyna qaraǵanda, oqıǵa Madarıpýr okrýginiń Samaddar aýdanynda bolǵan. Apatqa kýá bolǵandardyń aıtýynsha, avtobýs arna ústine salynǵan kópirge shyǵa bergende aldyńǵy sol jaqtaǵy dóńgelegi jarylǵan. Mashına kópir jaqtaýyn buzyp on metrge jýyq bıikten qulap ketken.
Zardap shekkenderdiń kóbi aýyr halde jatyr. Aman qalǵan jolaýshynyń biri kólikte apat kezinde 60 adam boldy dep málimdegen.
