Bangladeshte áskerı ushaq kolledjdiń ashanasyna qulap, elde aza tutý jarııalandy

ASTANA. KAZINFORM — Bangladeshte Áýe-áskerı kúshteriniń oqý-jattyǵý ushaǵy bilim berý mekemesine qulap, 19 adam qaza tapty, 150-den astam adam aýyr jaraqat aldy, dep habarlaıdy Kazinform tilshisi Jagonews24 saıtyna silteme jasap.

Órt sóndirý jáne azamattyq qorǵanys qyzmetiniń málimetinshe, Bangladesh ÁÁK-niń F-7 BGI oqý ushaǵy el astanasy Dakka qalasyndaǵy mektep ashanasynyń tóbesine qulap, iri órtke sebep bolǵan. Áýe kemesi josparly oqý tapsyrmasyn oryndap jatqan.

Kýágerlerdiń aıtýynsha, órt bastalǵanda ǵımarattan oqýshylar, muǵalimder men mektep qyzmetkerleri jantalasa qashyp shyqqan. Áskerıler men jergilikti turǵyndar zardap shekkenderdi evakýatsııalap, olardyń kópshiliginiń aýyr kúıik alǵanyn habarlady.

22 shilde kúni elde apat qurbandaryn eske alý kúni retinde ulttyq aza tutý jarııalandy.

Buǵan deıin biz Astana mańynda jeńil motorly ushaq apatqa ushyrap, eki adam mert bolǵanyn habarlaǵan bolatynbyz.

Vınışývach ýpav na shkolý v Bangladesh. pic.twitter.com/v7pM8Ewvmq

— Maksım (@lipcansmaks1) July 21, 2025