Bangladeshte 200 jolaýshysy bar keme sýǵa batyp ketti

Oqıǵa eldiń Dakka astanasynan 32 shaqyrym jerde bolǵan, dep habarlaıdy jergilikti polıtsııaǵa silteme jasaı otyryp Bı-Bı-Sı. Qazirgi ýaqytta sýdan 35 adam qutqaryldy, 150-den astam jolaýshy is-túzsiz joǵalyp ketken.

Boljam boıynsha eki palýbaly Shariatpur-1 kemesi Meghna ózeniniń ortasynda tankermen soqtyǵysqan. Oqıǵa ornyna qutqarý kemesi attandy.

Aıta keteıik, osyǵan uqsaq oqıǵa Bangladeshte 2011 jyldyń shilde aıynda bolǵan edi. Dakkadan alys jerdegi Shıtalakshıa ózeninde jolaýshylar kemesi men munaı tankeri soqtyǵysqan. Birneshe jolaýshy jaǵaǵa deıin júzip baryp, aman qaldy. Degenmen 8 adam sýǵa batyp ketti.

Alaıda osy joly qurbandardyń sany áldeqaıda artyǵyraq bolady degen boljam jasalyp otyr. Sebebi atalmysh Meghna Bangladesh pen Ońtústik-shyǵys Azııanyń iri ózenderiniń biri bolyp tabylady, jáne keme ózenniń tap ortasynda batyp ketken.