Bangladesh pen Mıanma arasyndaǵy lager bosqyndarǵa lyq toly
ASTANA. QazAqparat - Sońǵy eki aptanyń ishinde Mıanmanyń Rakhaın shtatynan Bangladeshke 300 myńǵa jýyq rohındja halqy údere kóshti. Mundaı málimetti Birikken Ulttar Uıymynyń Bosqyndar máselesi jónindegi Joǵarǵy komıssary jarııalady, dep habarlaıdy «Habar 24».
Derekterge qaraǵanda aǵylǵan adamdardyń sany aptanyń ortasynan bastap kúrt artqan. Sondyqtan Bangladesh pen Mıanma arasynda salynǵan bosqyndar lageri lyq toldy. Endi mundaǵy adamdarǵa azyq-túlik pen aýyzsý jetpeı jatyr.
Túrli málimetterge qaraǵanda kóship kelip jatqandardyń deni - balalar men áıelder.
«Bala emizip júrgen analarǵa qıyn boldy. Olar ash bolǵandyqtan, nárestesi shyryldap jylap jatyr. Al bizdiń qolymyzdan ne keledi? Azyq-túlik, dári-dármek joq. Bas saýǵalap úıden qashyp shyqqanda ózimizben birge eshteńeni de alyp úlgermedik», - deıdi Mıanmadan kelgen bosqyn Dıldar Begým.
