BANGLADESh: FTB hakerlerge 81 mln.dollardy urlaýǵa bank qyzmetkerleri kómektesti dep sanaıdy
ASTANA. QazAqparat - Hakerlerdiń Bangladesh Ortalyq bankinen 81 mln. dollarǵa jýyq aqshany urlaýy týraly is júrgizip jatqan Federaldyq tergeý bıýrosy (FTB) kıberqylmyskerlerge atalǵan qarjylyq mekemeniń qyzmetkerleri kómektesýi múmkin dep shamalap otyr. Bul týraly seısenbi kúni The Wall Street Journal gazetiniń elektrondyq nusqasy habarlady.
Onyń málimetterinshe, «FTB agentteri qaskúnemderge banktiń kem degende bir qyzmetkeri kómek kórsetkeniniń aıǵaqtaryn keltirdi». Bul rette vedomstvo qylmystyq iske mekemeniń taǵy birneshe qyzmetkeri tartylǵan bolýy múmkin dep shamalaýda.
Aqpan aıynda belgisiz hakerler Bangladesh OB-nen Nıý-Iorktiń Federaldyq qor banki (FQB) arqyly Fılıppın jáne Shrı-Lankadaǵy shottarǵa qarajat aýdarǵan. Ortalyq banktiń kúzet júıesin buzǵan qaskúnemder qarjylyq ınstıtýttan tórt transh arqyly 81 mln. dollardy shyǵarǵan.
Bul hakerlik shabýyldan keıin Bangladesh OB-niń basshysy otstavkaǵa ketti.
