Bangladesh astanasyndaǵy jarylystan 14 adam qaza boldy
DAKKA. QazAqparat – Bangladesh astanasy Dakka qalasynda joıqyn jarylys bolyp, 14 adam qaza tapty, dep habarlaıdy QazAqparat tilshisi reseılik TASS agenttigine silteme jasap.
Jarylys saldarynan 14 adam qazaq taýyp, 140-tan astam gospıtalge túsken.
The Daily Star gazetiniń málimeti boıynsha, qazir oqıǵa ornynda 11 órt sóndiretin top jumys istep jatyr. Jarylys saldarynan jaqyn mańdaǵy 5 qabatty jáne 7 qabatty turǵyn úıge zaqym kelgen. Gospıtalge túsken adamdardyń ahýaly týraly ázirge málimet joq.
Jarylys qoǵamdyq kólik qyzmetin kórsetetin memlekettik mekemeniń avtobýs aıaldamasynyń mańaıynda bolǵan. Oqıǵanyń sebebi týraly ázirge eshqandaı málimet aıtylǵan joq.
TASS agenttiginiń málimeti boıynsha, Dakka polıtsııa basqarmasyndaǵylar jarylys sebepterin anyqtap jatyr. Al agenttik tilshisi sóılesken oqıǵa kýágeri jarylys Siddique Bazar atty adam kóp júretin bazardyń ǵımaratynda bolǵan. Jaralanǵandar Dakka medıtsınalyq kolledjiniń aýrýhanasyna jóneltilgen. Ǵımarattyń ishinde birneshe dúken bar. Jarylys ǵımarattyń astyńǵy eki qabatyn, mańaıdaǵy kólikterdi qatty zaqymdaǵan.
