Bangladesh astanasyndaǵy áýejaıda iri órt shyqty
ASTANA. KAZINFORM – Bangladeshtiń astanasy Dakka qalasyndaǵy Hazrat Shahdjalal halyqaralyq áýejaıynyń júk termınalynda órt boldy, dep habarlaıdy Anadolý.
Dhaka Tribune basylymyna Bangladesh Azamattyq avıatsııa basqarmasynyń ókili Kaýser Mahmýdtyń aıtýynsha, órt negizinen ımporttyq taýarlar saqtalatyn júk termınalynda shyqqan.
Oqıǵa ornyna Bangladesh armııasy, qaýipsizdik kúshteri jáne órt sóndirýshilerden quralǵan arnaıy top dereý jetip, órtti sóndirý jumystaryn úılestirip júrgizip jatyr.
Bangladeshtiń Órt qaýipsizdigi jáne azamattyq qorǵanys basqarmasynyń ókili Talha bın Jasımniń málimetinshe, órt týraly habar jergilikti ýaqytpen 14:30-da túsken. Oqıǵa ornyna 37 órt sóndirý brıgadasy jumyldyrylǵan.
Áýejaı basshylyǵy qaýipsizdik maqsatynda barlyq reısterdi ýaqytsha toqtatyp, ushaqtardy angarlardan basqa aımaqtarǵa aýystyrǵan.
Órt saldarynan kóptegen ushýlardyń baǵyty ózgerip nemese keıinge shegerildi.
Buǵan deıin Bangladeshte tigin fabrıkasynan órt shyǵyp, 16 adam mert bolǵan.