Bangkoktegi úsh jarylystan eki adam zardap shekti
NUR-SULTAN. QazAqparat – Juma kúni tańerteń Bangkok qalasynyń úsh aýdanynda jaralys boldy. Bul kúni Ońtústik-Shyǵys Azııa elderi qaýymdastyǵynyń syrtqy ister mınıstrleriniń (ASEAN) jyl saıynǵy kezdesýi ótip jatyr, dep habarlaıdy QazAqparat The Guardian saıtyna silteme jasap.
Jarylystar BTS Chong Nonsi metro stansasynan, soltústiktegi úkimettik keshennen jáne qaladaǵy basty kóshelerdiń biri Rama 9-dan estildi. Eki adam jaraqat alyp, olardyń biri aýrýhanaǵa jetkizildi.
Premer-Mınıstr kantselıarııasynyń málimdemesine sáıkes, tergeý bastaldy. «Jaǵdaı baqylaýǵa alyndy. Qaýipsizdik sharalary kúsheıtildi. Dúrbeleńge salynbaýlaryńyzdy suraımyz».
Shetel úkimetiniń resmı tulǵalary, sonyń ishinde Ulybrıtanııa SІM basshysy Domınıka Raab, AQSh Memlekettik hatshysy Maık Pompeo, QHR syrtqy ister mınıstri Van I qazir Taılandta. Olar Ońtústik-Shyǵys Azııa elderi qaýymdastyǵynyń syrtqy ister mınıstrleriniń (ASEAN) jyl saıynǵy kezdesýine qatysý úshin kelgen.
