Bangkoktegi jer silkinisi qurbandarynyń sany 86-ǵa jetti

ASTANA. KAZINFORM – Bangkoktegi jer silkinisi saldarynan qulaǵan Bas aýdıt basqarmasy ǵımaratynyń qulaýynan qurban bolǵandar sany 86-ǵa jetti, 8 adam joǵalyp ketken. Bul týraly Taıland astanasynyń ákimshiligi málim etti, dep habarlaıdy reseılik TASS.

Qutqarýshylar qutqarý operatsııalaryn júrgizip jatyr. Olar osy nysanda jumys istep jatqan qurylysshylardy tabý úshin qalanyń soltústigindegi Chatýchak aýdanynda ornalasqan 30 qabatty ǵımaratty qırandylardan tazartyp jatyr.

- Іzdeý-qutqarý operatsııasy barysynda 86 adamnyń denesi tabylyp, olardyń kim ekeni anyqtaldy. Qazir iz-túzsiz ketken 8 adamdy izdep jatyr, - dep habarlady úılestirý shtabynan.

8,2 magnıtýdaly jer silkinisi 28 naýryz kúni Mıanma aýmaǵynda boldy. Respýblıka boıynsha zilzala saldarynan mert bolǵandar sany 3,8 myń adamǵa jetti. Jer silkinisinen Taıland turǵyndary da zardap shekti. Kúshti jerasty dúmpýleri Bangkok pen onyń mańyndaǵy, sondaı-aq Koroldiktiń soltústik, soltústik-shyǵys, ortalyq jáne ońtústik aýdandarynda sezildi.

Bas aýdıt basqarmasynyń ǵımaraty Taıland astanasyndaǵy jer silkisine tótep bere almaǵan jalǵyz ǵımarat.

Osyǵan deıin  Bangkok turǵyndary qatty jer silkinisine baılanysty evakýatsııalanǵany týraly jazdyq.

Bangkoktaǵy ǵımarat apatyna baılanysty Qytaı kompanııalary tergeýge ilindi.