Bangkokte vızasynyń merzimi ótýine baılanysty qazaqstandyq qyz qamaýǵa alyndy
NUR-SULTAN. QazAqparat – Merzimi ótip ketken vızasyna baılanysty qazaqstandyq qyz mıgratsııalyq túrmege qamaldy. Bul týraly QR Syrtqy ister mınıstrligi baspasóz qyzmeti málim etti, dep habarlaıdy QazAqparat.
Belgili bolǵandaı, 1995 jylǵy qyz Taıland aýmaǵynda merzimi ótken vızamen alty aıdan astam ýaqyt boıy emin-erkin týrıst retinde júre bergen. Aldaǵy ýaqytta oǵan qatysty deportatsııa sharasy iske asyrylmaq. Ony Bangkoktegi áýejaıda ustaǵan.
«Konsýl onymen baılanysqa shyqty. Sheshim shyǵarylǵanǵa deıin ol mıgratsııalyq túrmege jetkizildi. Atalmysh oqıǵa boıynsha sheshim aldaǵy aptada shyǵarylady. Aldyn ala málimet boıynsha ol deportatsııalanady. Ázirge, qylmystyq jaýapkershilik týraly másele kóterilgen joq», - dep naqtylady baspasóz qyzmeti.
